• Home
  • Blog
  • 手段無好壞, 人心有善惡

手段無好壞, 人心有善惡

手段無好壞, 人心有善惡

0 評論

[倫敦金電騙黨「冷推銷」 呃清潔女工積蓄130萬]https://goo.gl/wDqDUs 講到打cold call, 電話騙案個D 騙子真係算高手高高手, 一個電話, 十零分鐘, 幾十萬幾百萬甚至過千萬都呃到番黎, 反觀一般telesales, 打足一日call, 唔好話生意, 連約個客見面都未必做到。

我當然唔係鼓勵你去行騙, 但如果從銷售角度睇, 騙子的確有好多野值得我地學習, 舉例以下3 點:

1. 手法所有騙案開始時, 騙子都會製造某D 藉口, 去影響受害人嘅情緒, 例如跌舊錢係地下引起你貪念、打電話話捉左你個仔引起你恐懼等等, 目的就係令你情緒波動, 抑制理性思考, 受害人就會做出一D唔理性嘅行為。事後D 花生友會話:「乜你咁蠢架咁都上當。」, 其實受害人唔係蠢, 而係被情緒蓋過左理智。

睇番銷售, 你遇過幾多推銷員, 可以一開始銷售就引起你興趣, 令你好想擁有件產品? 定係好似自言自語咁講D 野點好點好, 但你一D 都唔覺得有興趣呢? 記住而家銷售唔係賣產品咁簡單, 係賣緊一個消費體驗, 滿足感, 如果客戶冇被你牽動到情緒, 你嘅銷售只會停留係需求滿足層次, 但今時今日, 有幾多人買野係純粹為左滿足需要呢?

2. 心態騙子行騙, 失敗左就再黎過, 再黎過都唔得就改變手法, 不斷推陳出新, 目標為本。你從冇聽過一個騙子要去上激勵課程, 要去聽成功人仕奮鬥史, 去為自己行騙失敗作心靈治療。騙子只係需要與時並進, 舊方法唔得就改, 改到得為止, 由阿爺年代種金, 標會, 字花, 到千年蟲, 寶藥黨, 跌錢黨, 再到電話騙案, 網上情緣, 有邊樣唔係跟住當時社會風氣演變出黎?

相反, 好多推銷員心態疲弱, 易受打擊, 被客戶拒絕後就陰公豬要BB 錫番, 又或者自暴自棄, 怨天怨地, 但就係唔肯諗下點樣改善自己銷售技巧。

3. 策略係騙子眼中, 任何人都係對象, 而且佢唔會睇小你, 仲會覺得你係好有「潛力」, 如果你好爽快咁被騙子呃左一萬蚊, 佢會即刻想方法呃你十萬, 再得手就會再呃你三十萬、五十萬, 總之去到你開始懷疑, 又或者傾家蕩產先會停。騙子深信二八定律, 20%「客戶」帶黎80%「業績」, 所以一旦搵到合適對象, 佢地就唔會輕易放手。

又睇番推銷員, 我地有種偏見, 覺得貴野好難賣, 從而專揀D 平野去賣, 咁就容易成交, 但其實可能係我地睇小左客戶, 冇將佢嘅潛力釋放出黎。結果D 單越賣越細, 工作量越來越多, 雖然同樣係二八定律, 不過係80%客戶帶黎20%業績, 做到嘔都係唔到數。

總結一句: 手段無好壞, 人心有善惡, 一把刀可以殺人, 亦可以救人。我地唔係要做騙子, 而係要學騙子嘅手段, 套用係合法銷售上面。

手段無好壞, 人心有善惡

按此訂閱我的文章

———————–

【免費】60分鐘廣告文案課程

30秒快速Facebook 報名

立即點擊這裡👈

【免費】90分鐘銷售技巧課程

30秒快速Facebook 報名

立即點擊這裡👈


發佈留言

發佈留言必須填寫的電子郵件地址不會公開。 必填欄位標示為

{"email":"Email address invalid","url":"Website address invalid","required":"Required field missing"}
× Whatsapp 查詢