「親」、「爆款」、「么么哒 」呢類內地潮語,如果你唔了解內地文化聽完真係一頭霧水。隨住粵港澳大灣區概念興起,越來越多人考慮喺內地置業,而你首先要了解嘅,就係內地樓市嘅術語。

商品房
商品房即係內地經政府有關部門批准,由房地產開發經營公司開發,建成後用於市場出售出租嘅房屋,包括住宅、商業用房同其他建築物。喺香港人慣常叫嘅私樓,內地就叫商品住宅。
毛坯房
毛坯房即係內櫳零裝修批盪 ,冇廚廁冇間隔,完完全全「得個廊」嘅房屋,當然好處係成本較低,而且可以按照買家喜好裝修。

內地嘅毛坯房。(網絡圖片)
精裝房
又稱「成品房」,即係單位買番嚟嘅時候已經有晒裝修、廚廁設備、甚至傢俬,買家真係執兩件衫就可以入住。
現房
現房係可以即買即住嘅商品房, 只有擁有房產證同土地使用證先可以叫現房。
期房
類似香港嘅「樓花」, 即係尚未完成建設、唔能夠交付使用嘅房屋。開發商從取得商品房預售許可證開始,直至取得房地產權證(大產證)止,呢段期間嘅商品房稱為期房。請注意內地不同城市對「期房」嘅標準都有分別,要事先了解清楚。

內地「期房」,類似香港嘅「樓花」。
面積
香港買樓以平方呎面積計價,內地就係用平方米,一平方米大約等如10.764 平方呎,舉例一個800 平方呎嘅單位,就相等於大約74 平方米。內地同香港一樣,都係叫建築面積,而香港叫嘅實用面積,內地就叫套內面積。

內地物業會以平方米計算面積
容積率
即係香港叫嘅地積比,即係地盤面積同建築物面積嘅比例,例如地盤面積一萬平方米,容積率十倍,咁建築物嘅總面積最多係十萬平方米。容積率反映社區密度,理論上數值越低,生活環境越舒適。
無論閣下想北上定喺香港置業,記得了解清楚各項買賣細節,買樓始終唔係買棵菜,一定要做好準備呀!
參考資料: 美聯物業
按此訂閱我的文章
———————–
【免費】60分鐘廣告文案課程
30秒快速Facebook 報名
立即點擊這裡👈
【免費】90分鐘銷售技巧課程
30秒快速Facebook 報名
立即點擊這裡👈
#建築術語香港 #地盤術語 #香港房產證
0 評論